NON PERDAS O NOSO FESTIVAL

Ola a todos/as:

queremos anunciarvos que o vindeiro mércores 21 decembro celebrarase o festival de Nadal na adega Martín Códax. 

Ás 10:30h comezarán as nosas marabillosas actuacións. Despois de finalizar os eventos sortearemos  unha grande  cesta con produtos típicos de Nadal.

Cartaz do festival feito polo alumnado de infantil

Esperemos que gastarades un pouco de diñeiro e que ao menos traiades unha rifa.

Virá o apalpador como todos os anos????

Agardemos que si, porque a súa rosca esta riquísima.

As invitacións ao evento foron cousa d@s de segundo

As entradas, d@s de primeiro

E o programa, de cuarto

Aqui tendes en primicia as actuacións

Pasaremos lista!!!

Entrada realizada polo alumnado de 5º

E por fin.... a peli do SAMAÍN

Chegou o momento que andabades agardando

O estreo mundial da peli de Samaín 35

clica aquí para velo

Xa se escoitan os berros...

35 versos para o 25 de novembro

O 25 de novembro é o día mundial da eliminación da violencia contra a muller.

Para conmemoralo elaboramos un acróstico. 
35 versos. 
Fóra a violencia de xénero dende Vilariño.
Podedes velo neste vídeo.

Pero cremos firmemente no poder da educación para rematar coa lacra do machismo na nosa sociedade e neste sentido traballamos cada día.

Imaxe dunha concentración contra a violencia machista.

Bicos feministas

ESTRELA

Última chamada!!

Como xa é noticia dende aquí ata o meridiano 35 este, en Vilariño estamos preparando unha exposición de fotos sobre o noso cole.

Mandamos notas, mensaxes, pegamos cartaces, fomos casa por casa... e todo para que abrades os vosos cofres dos tesouros máis valiosos e compartades co resto da comunidade aquelas imaxes daqueles marabillosos anos.

Pero vese que as chaves dos cofres deben estar ben agochadas, que poucas fotos chegaron ás nosas mans.

Remata o tempo programado para preparación da exposición!!!

Por eso.... ÚLTIMA CHAMADA!!! COLABORADE!!! HELP!!! AXUDIÑAAAAAAA!!!!

Nenas e nenos de 2º empapelando Vilariño para abrandar os vosos corazonciños...

Formación de usuari@s: o pasaporte.

Abrimos unha nova sección no blog: formación de usuari@s.
Aquí iremos colgando toda a información necesaria para que vos movades pola biblioteca como peixe pola auga e lle tiredes todo o partido posible.

Iremos explicando como atopar un libro, como facer o préstamo, as normas da biblioteca...

Hoxe empezamos cunha novidade: o pasaporte.

Que é? Para que serve? Mirade que ben explicadiño está neste vídeo.

Quen é quen?

Xa están empezando a chegarnos fotos históricas do noso cole (pero poooucas, animáaadevos a colaboraaaaar) e a clase de 2º está traballando na súa organización.
Pero chegounos esta, da que non temos data, nin nome. Nin sabemos onde se tirou, nin quenes son os protagonistas...

Xogamos un pouco ao QUEN É QUEN?
Fixádevos ben nas caras e a ver a cantos datos podemos aportar de cada un das persoas que aparecen na foto (nome, algún parentesco co alumnado de hoxe en día...) e das circunstancias (lugar onde se tirou, con que motivo, algunha anécdota...)

A ver se somos quen de identificar aos 53 

Chámanos a atención que solo saian homes... non había alumnas, non había mestras?
Se si había, onde estaban?

Ui, cantas preguntas....

Participade aportando novas preguntas e todas as respostas!

SOLUCINARIO

1.- Enrique Barreiro Piñeiro.

8.- Ramón Martínez (avó e Samuel e Adriana Falcón).

11.- Antonio Torres (tío avó de Alba).

29.- Anxo Baúlo (avó de Mateo Padín).

Ano: ????

Lugar: ????

Motivo da foto: ?????

Fotógrafa/o: ??????

Entrevista a Sergio

Continuando a sùa investigación sobre o comedor do colexio, o alumnado de segundo entrevistou a Sergio, o seu encargado.
Despois de moita elaboración, ensaios e nervios, a gravación da entrevista realizouse o xoves no propio comedor.
As nosas fontes infórmannos de que o entrevistado foi moi amable e simpático e @s investigador@s moi riguros@s e profesionais.
Adiantamos unhas instantáneas da entrevista, pero para vela integramente teremos que agardar a súa estrea mundial.
Velaí van:

Samaín 35, a película

Na biblio estamos preparando a gravación da peli do Samaín 35.

Mentres chega a estrea mundial, aqui vos vai un trailer para que vaiades rillando nas uñas.

Clica aquí para velo

Muahahahahahaha

1. ESTRELA

Axudainos, axudaaaainos. Dainos unha axudiñaaaaaa

Unha das actividades que estamos a preparar para o noso PROXECTO 35 é unha exposición de fotos da historia do cole, chea de xogos e sorpresas.

Precisamos da vosa axuda, familias!!

Lede atent@s o cartaz que elaborou o alumnado de 2º e co que empapelou Vilariño enteiro.

Cartaz elaborado por Angelina. A que é chulísimo??!!

Contamos con vós!!

Feira Proxecto 35

Como xa sabedes, o noso cole cumple 35 anos e queremos facerlle un grande agasallo: pintar un fermoso mural na súa fachada.

Pero para iso fannos falta cartiños... 

O vindeiro día 18, coincidindo coa festa do magosto, o grupo de 5º  organiza un mercadiño onde podedes atopar.... mirade, mirade!

Cartaz do evento. Clica na imaxe para ampliar

E non perdades o anuncio que está a revolucionar as televisións do mundo mundial!!!

Clica aquí para ver o anuncio

Agardámosvos!!!

E ti... que opinas?: Laika

Tal día coma hoxe, un 3 de novembro, pero de 1957, a cadela rusa Laika era lanzada ao espazo a bordo da nave Sputnik 2, morrendo ás poucas horas do despegue.

O obxectivo da súa viaxe era experiementar o grao de supervivencia dos seres vivos nas viaxes espaciais.

Foi o primeiro animal en orbitar a atmósfera terrestre e unha heroína, ao seu pesar.

Tantos anos despois segue o debate: 

Está ben empregar animais para experimentos científicos, aínda sabendo que estes poden causarlles sufrimento e incluso a morte?

Acaso estas experimentacións non trouxeron un importantísimo avance (por exemplo na medicina) que melloraron e mesmo salvaron a vida a millóns de persoas?

e ti.... que opinas?

ESTRELA

Para saber máis: 

https://es.wikipedia.org/wiki/Laika

https://www.elpensante.com/laika-la-perrita-astronauta/

http://la-perrita-laika.blogspot.com.es/

http://zumayasenformalina.blogspot.com.es/2013/11/40-motivos-favor-de-la-experimentacion.html

http://www.igualdadanimal.org/experimentacion

Certame de microrrelatos de medo

O pasado venres 28 de outubro, na festa do Samaín e Halloween celebramos o certame de microrrelatos de medo.

Treme, arrepíate, rincha os dentes e empápate en frío suor escoitando ás mellores conteiras do universo mundo!

Clica aquí para ver o vídeo!

Novidades

Os expositores de novidades están repletos agardando por ti.

Que marabillosas sorpresas!

Atreveraste...

… a baixar as escaleiras… achegarte ao expositor… fitar longamente cada libro de 

medo… aguantar a respiración… estirar o brazo ata rozar o libro desexado coa punta dos

 dedos… ?

Atreveraste a ler os microrrelatos de medo dos teus compañeiros e compañeiras...?

A escolma de lecturas da festa do Samaín e Halloween está lista.

E ti?

O XUVEN VEN AO COLEXIO DE VILARIÑO

Os nenos e nenas do C.E.I.P. Enrique Barreiro Piñeiro atópanse na súa biblioteca cos xogadores do equipo de baloncesto de Cambados.

Os xogadores e o corpo técnico do equipo de baloncesto viñeron o xoves 20 de outubro do 2016 ao noso colexio. Tras unha longa entrevista na nosa biblioteca, con preguntas e respostas en moitos idiomas; nos firmaron autógrafos, fotos con eles, e nos regalaron entradas para ir velos o sábado 22 no Pavillón de deportes de O Pombal.

Desexámosvos dende o cole boa sorte na liga.

 Presentación do equipo

Un momento da entrevista do alumnado de sexto

Pode acender o proxector sen mando a distancia!, está calculando Miguel

Día mundial das bibliotecas

Hoxe é o día mundial das bibliotecas.

Que mellor maneira de celebralo que baixar as escaleiras, dar un bonito paseo 

entre os andeis, escoller aquel libro que nos encha o ollo, sentarnos a gozalo

ou levalo para a casa.

Temos dúas escolmas preparadas para vós: 

• libros do samaín (medo e máis medo).

• libros que nos falan de libros, de lectura e de bibliotecas.

Animádevos!!!

Bicos bibliotecarios

ESTRELA

Non hai canciños malos...

Dúas cousas que nos encantan: libros e cans.

clica aquí para ver o vídeo

River Bearde é un neno de dous anos.

Seu pai e  súa nai rescataron varios cans abandonados, pero tiveron problemas coa veciñanza. Os peludos eran dunha raza considerada perigosa e que estaba prohibida na comunidade.

Un día á hora da sesta, River leulles un conto aos seus bichiños ata que quedaron durmidos.

A súa nai gravou o momento e compartíuno na rede. Nos seguintes días, o vídeo foi visionado milleiros de veces.

Afortunadamente, a comunidade de veciñ@s reconsiderou a súa postura despois de velo e aceptou aos cans.

E é que… nunca deixarán de abraiarnos os poderes máxicos da lectura!!!

bicos caninos

ESTRELA

Xa chega o Samaíiiiiinnnn

E con el, unha nova carta

clica aqui para ver a carta

Coma todos os anos, organizaremos actividades arrepiantemente divertidas.

Aquí as tendes

clica aquí para ver as actividades

A pasalo de medo!

Empezamos coas actividades 35

Estimadas familias:

Somos os nenos e nenas de 1º e 2º.

Este ano, para celebrar o 35 aniversario do noso colexio, imos facer unha exposición de fotos.

Gustaríanos que nos axudarades a conseguir fotos.

Como podedes axudarnos?

·         Preguntando na casa se teñen fotos e nolas poden prestar

·         As fotos teñen que vir co nome da persoa que nolas prestou, o día e o ano no que se fixo eu unha pequena explicación

·         Entregaranse nas clases de 1º e 2º

·         Imos ter moito coidado con elas e devolvermémolas cando acabemos o evento

Agradecemos a vosa colaboración.

As/os organizadoras/es

35

Ola, querid@s.

Aquí tendes unha nova carta.. 

Clica aquí para vela en grande

Celebración do Día Mundial dos Animais

Cambados quere aos animais

Onte pola mañá os nenos e nenas de 5º e 6º dos colexios de San Tomé, Magariños e Vilariño foron ao Concello de Cambados para celebrar o día mundial dos animais, e para concienciar á xente de que non maltraten aos animais.
Tamén os nenos e nenas acariciaron e xogaron con algúns dos cans e cun dos gatos do Refuxio, como por exemplo Nor, que vai en silla de rodas, ou Drako, Nusca, Ani, Clara e Vali.
Despois, Olga, a xefa do Refuxio de Animais de Cambados, doulles unha charla sobre o maltrato animal, e ensinoulles un vídeo chamado “Bestias”, que fala dos homes e mulleres que maltratan aos animais.
Tamén os nenos dos distintos colexios dixeron unhas palabras para concienciar á xente.
Ao final deron uns lazos de cor laranxa porque esa cor representa o maltrato animal.
Aquí vos deixamos o manifesto que leron Mateo e Andrea de 5º:

                                        "DESEXOS!"

Ola a todas e todos!
Estamos aquí representando aos nosos compañeiros do colexio de Vilariño. Todas as nenas e todos os nenos que estamos aquí, e os que non puideron vir, queremos celebrar o Día Mundial dos animais, manifestando o noso rexeite ao maltrato animal.
Queremos dende Vilariño mostrar este rexeite a través da palabra NON:
 -Non aos circos con animais.
- NON ao abandono e maltrato de animais.
-NON ás corridas de touros.
- NON ás cazas e ás matanzas en safaris.
- NON ás festas tradicionais nas que se maltratan animais.
- NON aos enterramentos de animais vivos.
- NON aos experimentos con animais.
- NON ao comercio con animais.
Pero non nos queremos quedar coa palabra NON, senón que queremos dar propostas a favor dos animais e do seu coidado a través da palabra DESEXO :
- DESEXAMOS donacións e axudas aos refuxios.
- DESEXAMOS respecto para todos os animais.
- DESEXAMOS o coidado dos seus hábitats naturais.
- DESEXAMOS a adopción de animais.
- DESEXAMOS a liberdade dos animais salvaxes.
- DESEXAMOS o bo coidado dos animais: limpeza, alimentación, saúde, seguridade, educación,...
Non nos olvidemos que todos somos seres vivos! Os animais, ao igual que nós, tamén necesitan afecto, cariño, amizade, compañía, diversión, alegría, amor...
E sobre todo, necesitan ter DESEXOS!

Asinado:

Os nenos e nenas de 5º curso do CEIP Enrique Barreiro Piñeiro, Vilariño.

clica na imaxe para ver o vídeo