Rematamos o curso 23-24 cun resumo do traballado polo alumnado nos talleres interciclos, dinámica enmarcada en Polos Creativos.
Se pinchades na foto o veredes...
Dende a Biblioteca de Estrela, desexámosvos un feliz verán e un merecido descanso. E agradecemos todo o traballo e colaboración prestados. Ata setembro!
Dende o Equipo de Dinamización da Lingua Galega, a súa coordinadora Carmen elaborou a edición deste primeiro xornal da escola, cos traballos, visitas, exposicións, celebracións, etc. de todo o curso 23-24.
Queda o enlace para que o leades e o desfrutedes! Moi bo traballo!!
Ao longo do curso foise traballando nas aulas o Proxecto 'O Mundo nunha viaxe'. Nenos e nenas investigaron sobre Xapón, Francia, Os continentes... viaxaron a través da arte a Barcelona, Francia, Holanda, 'foron' a Madrid, Nepal ou Alemaña e lemos contos de Grecia, África ou Londres.
A última semana de cole expuxéronse os traballos nos corredores para que o resto dos compañeir@s ou familias os puideran desfrutar.
Dúas mestras do cole da Pastora viñeron a contarnos o conto 'Maruxa' cun pouco de dramatización.
Para o alumnado de Infantil na biblio de Estrela.
O alumnado de 3º e 4º tivo a sorte de realizar un obradoiro de radio da man de Soledad Felloza.
Todo o alumnado puido desfrutar dunha sesión de Break dance e beat box da man de 'Vella escola', que lles amosou en que consistía esta forma de bailar, as batallas e a forma de facer sons e música coa boca e logo lles deixou facer... un éxito.
O alumnado de 2º de Primaria, coa axuda da profe Marián, quixo facer a súa especial homenaxe a Luísa Villalta. Os actos realizáronse no Salón Peña de Cambados, ao que se trasladaron de excursión o 16 de maio para facer bailes, cancións e recitado de poemas.
O alumnado de 1º contribuiu pintando o panel conmemorativo.
Presentáronse todos os maios do Concello no Salón Peña (porque o tempo non acompañou para facelo fóra...) e os pícaros de primeiro cantaron e tocaron unha fermosa copla de Maio.
