martes, 25 de xuño de 2019

Por se non o sabías... na biblio pasan cousas todos os días

Chegou o solsticio de verán e con el un cambio de ciclo.

Remata o cole, empezan as vacacións e, malia que estamos contentas da vida de ter tempo para troulear, tamén sentimos certa morriña pola despedida.

Toca facer balance do ano. 

Aquí tendes a da biblio, que vos parece?



Disfrutemos do verán, merecémolo!

Bicos morriñentos.

ESTRELA

xoves, 20 de xuño de 2019

Radio Estrela na I Feira do Libro de Cambados

Estes días celébrase en Cambados a I Feira do Libro.



Dende o Concello invitáronnos a participar e nós nunca perdemos unha boa festa!


Alá montamos no autobús e baixamos ao Paseo da Calzada este xoves.



Xa sabedes, minchiñas, o cinto SEMPRE posto!

Estábannos agardando unha boa chea de sorpresas!


O Festivaliño:  un pequeno festival de curtas de cine nunha caravana superchusquiña.



Non imaxinades a cantidade de rapazada que cabe aí dentro!

Goza coa maxia de ler: o mago David deixounos literalmente coa boca aberta! Menos mal que non había moitas moscas na Calzada...


Aplaudimos ata poñer as mans vermellas, que trucos máis alucinantes!



É ciencia? Non! É maxia!!

Pero nós somos persoas (e peixe) ben educadiñas, nunca imos aos sitios onde nos convidan coas mans baldeiras.


Tamén quixemos contribuir á festa realizando un programa especial de radio. 

Fixemos uns paquetiños cos equipos técnicos e montámolos no stand da Biblioteca Luís Rei. Que sitio mellor?


Así de feituco quedou o noso set.

Comezamos o noso programa especial entrevistando a dúas libreiras: Lola, de Aenea e a Veva, de Contos.

Que mulleres tan interesantes! E canto nos gusta o seu traballo!



Despois, convidamos ás persoas asistentes a que compartiran con nós as súas impresións sobre a lectura e a feira.



Pitusa Cabanillas respostounos moi amablemente.


A nosa unidade móbil a pé de rúa.

E rematamos cun programa de recomendacións lectoras que non podedes perder.





Agardabamos poder entrevistar a Fátima Abal, a alcaldesa da nosa vila (unha grande lectora polo que temos escoitado), pero a súa apretada axenda institucional non o fixo posible.


Aínda así, Fátima non quería quedar sen participar no programa especial e visitou o noso estudo da biblio esta mañá.




Pois si, a nosa alcaldesa deixounos claro que é apaixonada da lectura.

Como vedes, a Feira do Libro é un evento interesantísimo ao que non podedes faltar esta fin de semana.

Encontros con escritoras e escritores, actividades, venta de libros...


Actividades para hoxe e mañá

Pronto publicaremos o programa especial para que o gocedes. Atent@s!


Bicos feirantes.



ESTRELA

mércores, 5 de xuño de 2019

Coñeces DÁLLE QUE DÁLLE?

Ola, quenlliñas.

Aínda non viñestes a Dálle que dálle?


Pois entón non coñecedes o espazo da biblio deseñado para aprender argallando.

Nel podedes atopar unha boa ristra de xogos e actividades para pasalo ben dándolle ao miolo.



E se non sabedes xogar, non pasa nada. A rapazada de cuarto está preparando unhas fichas de xogos e uns vídeotitoriais para que aprendades nun instantiño.

En cada ficha poderás atopar un código QR que che levará ao vídeo.

Aquí vai o primeiro xogo.





 A que agardas?

Ven a xogar!


Bicos fedelleiros

ESTRELA


martes, 4 de xuño de 2019

Visitounos Diego Cordeiro, cociñeiro


Hoxe estivo con todos os nenos/as do cole e máis os nenos/as da escola da Modia o cociñeiro de paradores Diego Cordeiro, gañador dúas veces consecutivas do premio “Tapas de Paradores”.

Como o noso proxecto de centro está adicado á horta, quixo facer para nós dous pratos nos que os ingredientes principais foran froitas ou verduras.

Preparounos Biscoito de remolacha espumoso e Licuado de verduras e froitas.



Ademais de cociñar explicounos cómo era o seu traballo, dende os utensilios que empregaba ata a hixiene precisa na elaboración culinaria que calquer cociñeiro debe ter presente.


Finalmente, fixémoslle una entrevista na radio  da que disfrutou motísimo.


Podedes escoitar a entrevista neste enlace



E para rematar… quixemos agasallalo cun pequeño detalle feito por todos os nenos/as, un gorro de cociñeiro firmado por cada un de nós!!!