Ola, augamares.
A pasada semana veu visitarnos de novo o noso padriño radiofónico, Javier Prado.
Que alegría sempre recibilo!!
Como sabedes Javier é culpable da nosa radiomanía.
Dende a primeira vez que veu á nosa biblio cos seus tranganillos electrónicos e coas súas fantásticas ideas, xa estivemos perdidiñ@s. Non paramos ata poñer en marcha Radio Estrela!!
Dende aquela, voltou de cando en vez a ver como ía o asunto e a axudarnos ás profes en todo o que necesitamos.
Pero nesta ocasión foi co alumnado de cuarto con quen traballou. E non viña só. Acompañábao Cristina Corral, poeta e xornalista, que sabe todos os trucos para facer boa radio.
Ademais, xunto con Javier e Luís forma REDE ESPORA.
Fixeron exercicios coa voz, falaron de como funciona unha radio a través de internet e, cando xa estaba en marcha a cousa, Javier propúxolles un reto:
Cada grupo debía producir un programa de pé a pá antes de que rematara a xornada.
E como as nenas e nenos de cuarto non lle teñen medo a nada, alá se puxeron.
Título e estrutura do programa, sintonía, investigación, guión, escaleta, reparto de roles, gravación e edición. Sen tempo para tomar folgos.
Retos a nós!, dixeron chulit@s . Se ata nos sobrou tempo!
Aquí tendes unha fotos da produtiva xornada.
Bicos afillados
ESTRELA
